【香港地】 紙巾大家日日都用，又知唔知其實有香港製造品牌？

80後容碩鋒（Kenneth）喺紙巾行業做咗18年，舊年佢率領團隊從內地回港，創立HK Tissue，喺將軍澳開設廠房，生產原木漿袋裝紙巾和竹漿盒裝紙巾。佢認為，因為香港人嘅認真，「香港製造」喺80年代係一個產品安全認證。而家返嚟重啟本地製造工業，佢希望可向外界印證，香港人可養活本地品牌，希望有朝一日，當旅遊業再度興盛，日本人嚟香港旅行，可以買到真正香港製造嘅紙巾做手信！