【搵食熱話】日本過江龍拉麵店一風堂最近推出和牛拉麵，拉麵放上一大片澳洲和牛，以慢煮方法煮成的，肉味香濃，口感鮮嫩。和牛更可以追加，咁就不如食多兩件啦！拉麵還有露筍、火箭菜及粟米筍等配料，湯底加了白松露油，與牛清湯好夾，食前唧少少檸檬落湯底添加清新感。 另外拉麵店推出和牛味噌餃子，倒入日本蛋漿在鐵板上煎煮，邊煮邊「滋滋」聲，香氣十足。餃子加上用和牛肉粒烹煮的香濃味噌，好惹味。推介大家叫拉麵加餃子的套餐，咁就可以試晒兩樣啦，而且兩款都係期間限定，想試就記得要bookmark定啦。

info：
一風堂
地址：佐敦彌敦道380號香港逸東酒店地下1號舖
電話號碼：27631228
營業時間：星期一至四11:30am - 9:30pm、星期五至日11:30 - 10pm
備註：另設金鐘、馬鞍山、東涌分店。